大滾友 元朗

今次試嘅湯底係招牌嘅花膠雞湯🥘 花膠非常厚身，份量仲好多！雞肉滑溜肥美，鮮味又夠嫩，湯底雞味好出！ 緊接住當然必食牛肉拼盤啦，一次試齊牛嘅不同部位！有牛舌、牛小排、牛肩脊、肥牛、黃喉、牛柳粒，肥瘦適中，肉質唔錯，油脂香味四溢✨ 伊比利亞橡果豬肉質夠細，香味濃郁👍🏻 手打鵝肝墨汁墨魚丸比較創新，內有乾坤。咬開食到鵝肝香味，外層彈牙，味道特別。 打邊爐唔可以無響鈴！呢set拼盤就食到原味同鹹蛋黃香兩款，脆卜卜又掛湯，鹹蛋黃裹住響鈴，再索埋雞湯精華，精彩啊！ 雜菜拼盤有多款蔬菜、粟米、菇菌、木耳同蕃茄，新鮮爽脆，清一清肉食嘅飽滯。單點嘅百頁豆腐好嗦湯，芋頭又香，煮熟嘅芋蓉夠細軟。 呢度嘅招呼非常殷勤✨ 座位闊落舒適，食物水準又高，唔怪得一直都咁旺場啦！

花膠雞湯味道十足，金黃色嘅雞湯，清甜及濃郁雞味，沒有味精，牛肉拼盤高質，日本蠔好肥美，整體由湯底，材料，服務及環境我都比好高分，呢間火鍋店真係用作品說話，絕對會Encore 😍