餐廳裝橫以中式宮廷風格，門口位置重有張龍椅俾大家影相打卡。花膠雞湯鍋 (半隻 / $318) : 雖然只係半隻雞，但係份量多得驚人，而且花膠又勁大片。 湯底味道非常濃郁，而雞肉係半熟狀態，淥多幾分鐘就已經食得。大滾友牛肉拼盤 (細 / $418) : 有唔同嘅牛部位，每款都各有特色，而且牛味濃郁，而大滾友雜菜拼盤有非常多種類嘅蔬菜，有粟米、蕃茄、淮山、金菇、冬菇、生菜、油麥菜等等，蔬菜吸收晒濃郁嘅湯汁，超級無敵鮮甜。 伊比利亞橡果豬 ($168) : 豚片厚薄適中，而且份量都多，味道亦相當唔錯。 手打鵝肝墨汁墨魚丸 (四粒 / $72) : 墨魚丸中間有鵝肝粒做餡，鍾意食鵝肝同墨丸嘅朋友咪錯過。 黑松露蟹肉餃 (六粒 / $108) : 餃子幾飽滿，入口時散發出微微嘅黑松露味同蟹肉嘅鮮甜，自己超鍾意食呢個餃。 打邊爐熱辣辣當然要飲返啲清甜冰涼嘅自家製竹蔗茅根，最後食埋火焰豆腐花非常滿足咁離開。

充滿著宮庭風格，環境非常有特色 龍躉片木瓜魚湯鍋 好有氣勢，奶白色的魚湯底，的確幾鮮甜 火鍋配料每樣都好高質，必叫牛肉拼盤，牛肉質素高，廣島蠔夠哂大隻，食落肥美。 最後仲食埋個火焰豆腐花，絕對好睇又好食